Borusija Dortmund propustila je šansu da prekine dominaciju Bajerna. Milioneri nisu uspjeli na Vestfalenu da savladaju Majnc (2:2) u posljednjem kolu, pa su Bavarcu pobjedom u Kelnu (2:1) te golom u 89. minutu 11. godinu zaredom podigli salataru.
“Nije mi lako da analiziram ovu utakmicu. Svi smo vjerovali u trofej – tim, navijači, cijeli grad… Žao mi je što se nije završilo onako kako smo svi željeli. Ovo što se dogodilo protiv Majnca dugo će nas proganjati, ali pokušaćemo opet”, rekao je trener Edin Terzić nakon utakmice.
>>> Ukleti Dortmund: Bajernu 11. salatara zaredom
>>> Tužna sudbina istinskog virtuoza
Njegov tim je nakon 25 minuta igre šokantno gubio 0:2 od Majnca i već tada je postalo jasno da već viđena titula izmiče iz ruku.
“Noge su mi bile teške nakon ta dva primljena gola. Međutim, to je sport i ovako nešto uvijek može da vam priredi. Na kraju nam je nedostajao gol… Ovo je najteži trenutak koji možete zamisliti da će vam se dogoditi u karijeri. Borusija je moj klub. Zato je tuga još veća”, otvorio je dušu Terzić, pa sportski pružio ruku suparniku iz Minhena.
“Čestitam Bajernu na najpoštenijoj tituli. Bio je bolji nakon 34. kola. Ponavljam, pokušaćemo opet da dođemo do ovdje, ali na kraju da mi osvojimo titulu”.
