Još uvijek se priča o fantomskom golu Dečića u Bijelom Polju protiv Jedinstva iz 7. kola 1. CFL, a već danas imamo novu spornu odluku u crnogorskom klupskom fudbalu. Večeras su Dečić i Sutjeska na stadionu u Tuzima odigrali neriješeno (0:0) u 10. kolu 1. CFL.
>>> VIDEO Fantomski gol Dečića
>>> Napadači bez municije u Tuzima, Sutjeska oštećena u 93. minutu
Međutim, mnogo će se pričati o situaciji iz 93. minuta. Rezervista Ognjen Đinović je dobio loptu kao na tacni od Jovana Vujovića i potom šutirao, a lopta je, nakon što ju je golman Tuzana Igor Nikić zakačio, ušla u mrežu. Ipak, gol je odmah poništen s obzirom da je jedan od pomoćnika sudije Dalibora Vujisića signalizirao ofsajd.
Na usporenom TV snimku jasno se vidjelo da ni riječi o ofsajdu niju bilo. Pogledajte i sami.
Kao što se vidi Đinovića čak trojica igrača drže van ofsajda, čak iako je lopta već krenula.
Nažalost sudije u Prvoj ligi Crne Gore nemaju na raspolaganju VAR tehnologiju, a zasigurno bi ova odluka bila ispravljena da ista postoji.
