Bivši trener Budućnost Ivan Brnović ima novi posao. U pitanju je ekipa – Starog Aerodroma!
Mladi podgorički klub objavio je iznenađujuću vijest o angažmanu trenera koji je prethodne sezone sa ekipom Budućnosti osvojio titulu, a godinu prije toga Kup..
“Nakon što je naš dugogodišnji trener Demir Ramović preuzeo ekipu Internacionala i brigu o našoj najmladjoj akademiji, uprava kluba je reagovala i dovela veliko pojačanje u stručnom štabu i organizaciji seniora i omladinskog tima. Veliko iskustvo i znanje Ivana Brnovića će svakako dobro doći svima u klubu koliko god to bude trajalo“, naveo je klub u objavi.
Brnović je u trenerskoj karijeri bio još u Jezeru, nakon čega je sa velikim uspjehom predvodio Budućnost.
Stari Aerodrom je se takmiči u Srednjoj regiji, UK FSCG Centar, gdje su završili na šestom mjestu sa osvojenih 16 bodova.
Klub je prepoznat prije svega po sjajnom radu sa mlađim kategorijama.
