Euforija u Rijeci dostiže vrhunac. Radomir Đalović i njegova posada sanjaju titulu šampiona širom otvorenih očiju.
Ekipa crnogorskog trenera je počistila Hajduk iz Splita u derbiju 3:0 i to drugi put nakon nešto više od dvije sedmice, kada su ih sa 2:1 savladali u četvrtfinalu Kupa na Poljudu.
Nije lako pobijediti bilo kog protivnika dva puta u tako kratkom periodu, a Rijeci je to uspjelo protiv velikog rivala, zbog čega i imaju pravo da maštaju velike snove, gledajući najbliže pratioce sa prve pozicije.
Ipak, Đalović je čvrsto na zemlji.
“Bili smo sve što smo trebali biti protiv Šibenika. Žarko smo željeli da počne meč, bili odlični, izdominirali, bili agresivni u svakoj situaciji. Ovo je velika pobjeda i povratak, ali tek sada kreću prave stvari, posebno iduće sedmice sa gostovanjima. Idemo meč po meč“, poručio je Đalović.
Rijeka ima dva boda više od Splićana, a pet od Dinama iz Zagreba, nakon 26 odigranih kola.
“Skidam kapu mojim igračima, bili su maksimalno koncentrisani. Treniraju dobro, imaju veliki kvalitet. Bitno je da smo tim i kada napadamo i kada se branimo i samo tako možemo napraviti željeni rezultat“, mirno je analizirao Đalović sjajnu situaciju u kojoj se nalaze njegovi momci.
U narednom kolu gostuju ekipi Slaven Belupa.
