Peto kolo engleske Premijer lige otvorili su Vulverhempton i Liverpul, a gosti sa Enfilda uspjeli su da u finišu meča preokrenu rezultat i slave sa 3:1.
Ništa nije išlo na ruku Liverpulu u prvom poluvremenu. Blijeda partija, koju je već na početku meča začinio Hi Čan Hvang. Nakon slaloma Pedra Neta koji je promiješao odbranu gostiju a korejac se našao na pravom mjestu i pogodio za rano vođstvo Vukova.
🇰🇷🙌 pic.twitter.com/qwhfFZlFpQ
— Wolves (@Wolves) September 16, 2023
I prošle sezone su na istom mjestu poraženi ubedljivo, a Jirgen Klop je gledao nemoć tima koji je tek na kraju prvog dijela, i to zbog greške golmana, napravio prvu pravu priliku.
U drugom poluvremenu, novo lice Liverpula. Odmah su zaprijetili preko Luisa Diaza, a u 55. minutu došli i do izjednačenja.
Mohamed Salah je njegovim dobro poznatim prodorom probio po desnoj strani, ubacio loptu u peterac gdje je najsnalažljiviji bio Kodi Gakpo koji ravna rezultat.
A cool finish from Robbo 👌 pic.twitter.com/FwrDq58gtq
— Liverpool FC (@LFC) September 16, 2023
Nakon postignutog gola Gakpoa, gotovo pola sata se nije igrao fudbal, ali je letargičnost prekinuo Endru Robertson koji je razmijenio pasove sa Salahom, i na kraju u stilu napadača završio akciju za preokret.
Vukovi su bili u totalnom šoku, a to su iskoristili iskusni igrači Liverpula. Igrala se nadoknada kada je još jednu upotrebljivu loptu udijelio Salah, a lopta se od Harvija Eliota odbila do Huga Buena koji je smjestio u svoj gol za konačnih 3:1.
