MIHAILO PAVIĆEVIĆ

“Presudila je disciplina u ključnim trenucima”

Košarkaši Mornara upisali su veliku pobjedu nad Borcem 80:78 i napravili krupan korak ka opstanku u ABA ligi.

Savršeno prvo poluvrijeme odigrali su Barani, u nastavku “nestali” sa terena, ali na kraju Borac nije imao snage za totalni preokret.

>>> Košarkaši Mornara u drugom poluvremenu nisu izašli na parket, Veders ih spasio

Trener crnogorskog predstavnika Mihailo Pavićević rekao je da je na poluvremenu upozoravao ekipu da se ne opuste u nastavku.

Želio bih prije svega da se zahvalim publici koja nam je mnogo značila, i podigla u teškim trenucima. Nadam se da će i sljedeće godine gledati ABA ligu u Baru. Odigrali smo fantastično prvo poluvrijeme, upozoravao sam na nastavak, i dokazalo se da protivnik uvijek može da se vrati. Ušli smo nonšalantno u drugo poluvrijeme, forsirali smo šut za tri koji nije išao u drugom dijelu, a kada se protivnik vrati posle velikog vođstva, sve ide na njihovu vodenicu, ali smo uspjeli da slavimo u posljednjim sekundama“, rekao je Pavićević i dodao da uprkos velikom prijateljstvu sa Čačanima, na terenu nije bilo popuštanja, i da je to pravi sport.

Veliki smo prijatelji sa Čačanima, ali na terenu nema prijateljstva. Ovo večeras je bila prava sportska manifestacija. Veoma bitna utakmica za nas. Sada je na nama da zadnje kolo damo sve od sebe za pobjedu protiv FMP-A“.

Uprkos tome što su ispustili veliku prednost, igrači Mornara su pokazali koncentraciju i smirenost u presudnim momentima.

“Težak trenutak je vratiti se nakon velikog vođstva. U tim trenucima najbitnije je ne paničiti, a tada su sve oči uprte u trenera. Sigurnost i energija mora da se prenese na igrače. Odigrali smo disciplinovano, Markus Veders je odlično reagovao i na kraju smo slavili“, zaključio je Pavićević.

Standings provided by Sofascore
Upiši se
Obavijesti o
0 komentara
Umetnuti fidbek
Vidi sve komentare