SC Derbi nastavlja sa sjajnim partijama u novoj sezoni, a na otvaranju ABA lige tim Andreja Žakelja je savladao Split 76:72.
>>> Studenti otvorili ABA ligu i nastavili niz pobjeda
Slovenački stručnjak smatra da je njegova ekipa zasluženo slavila, iako je vidno istrošena nakon Superkupa.
“Znao sam da će biti teško, na Gripama je uvijek teško. Bojao sam se ove utakmice nakon pobjede u Superkupu, trebalo je primiriti glave, vratiti se treningu i radu. Zato u startu nismo imali energije, dozvolili smo puno ofanzivnih skokova. Mislim čak 17 poena da smo primili tako, ali smo onda zatvorili reket, podigli odbranu i imali brz napad. Utakmica jeste bila odlična, ali sa boljom odbranom poraslo je i naše samopozdanje i zuasluženo smo slavili.”
Mnogi smatraju da će Studenti biti kamen spoticanja za mnoge, ali Žakelj ne želi da stvara pritisak svom timu.
“Osvajanje Superkupa nije podiglo naše ambicije, ali jeste pritisak. No, mi ostajemo na dugoročnom projektu – na zemlji, da radimo, napredujemo i afirmišemo mlade igrače. Danas je to bio David Mirković“, rekao je strateg podgoričkog tima.
