Nakon jučerašnje nevjerovatne partije Dvejna Vašingtona u pobjedi Partizana nad Krkom (99:92) nije bilo dileme ko će biti MVP 11. kola ABA lige.
Amerikanac je u Ljubljani sasuo 48 poena i tako postao novi rekorder kao igrač sa najviše ubačenih poena na jednom meču regionalnog takmičenja.
Prije njega ovaj rekord je pripadao Deronu Fetsu Raselu koji je u dresu Mornara protiv Zadra prije tri godine ubacio poen manje.
Vašington je na terenu proveo 26 minuta, za to vrijeme je uz pomenuti rekord dodao tri asistencije, dva skoka i dvije ukradene lopte. Šutirao je iz igre 16/24 od čega 6/10 za dva i 10/14 za tri poena. Sa linije slobodnih bacanja bio je precizan šest puta iz devet pokušaja.
