Nakon brojnih odlazaka, došlo je vrijeme da se vidi ko će ostati u SC Derbyju. Mlada podgorička ekipa suočiće se tokom ljeta sa velikim izazovima u rosteru.
Brojne kadrovske promjene pogađaju učesnika ABA lige. Ekipu su napustili već Luka Bogavac, David Mirković, Andrija Grbović, Vladimir Sudar, koji će u NCAA ligu, Igor Drobnjak ide u Spartak iz Subotice, a ugovor je istekao i Eriku Nilu.
Prvo je trener Petar Mijović produžio ugovor, a iz Derbija je stigla vijest su dvojica iskusnih košarkaša produžila ugovore. U pitanju su Nikola Pavlićević i Emir Hadžibegović.
I Hadžibegoviću i Pavlićeviću će naredna sezona biti šesta u klubu, jer su zajedno došli 2020/2021. godine. Osvojili su Superkup ABA lige.
Emir je u prethodnoj sezoni bilježio 7.1 poen uz 4.7 skokova, dok je Nikola imao 6.7 poena uz skoro 2 asistencije.
