Košarkaši Los Anđeles Lejkersa plasirali su se u polufinale NBA kupa u Zapadnoj konferenciji pobjedom protiv Finiksa 106:103.
Lejkerse je predvodio Lebron Džejms sa 31 poenom, 11 asistencija, osam skokova i pet ukradenih lopti. On je postigao 15 od prvih 19 poena ekipe u četvrtoj četvrtini i imao asistencije u dva napada poslije kojih su se Lejkersi odlijepili.
U ekipi Finiksa Kevin Durent postigao je 31 poen uz sedam skokova, a promašio je trojku u posljednjim trenucima za izjednačenje.
Jezeraši će se u polufinalu sastati sa ekipom Nju Orleansa u Las Vegasu.
U polufinale Istočne konfrenecije plasirao se Milvoki koji je savladao Njujork Nikse 146:122. Janis Adetokunbo je rivalu iz Njujorka ubacio 35 poena uz deset asistencija, pa gostim iz Velike jabuke nije pomogla ni sjajna partija Džulijus Rendla koji je ubacio 41 poen.
