LUKA BOGAVAC

“Mislili smo da možemo da savladamo Kamerun u prvih 10 minuta”

Foto: FIBA

Iks faktor u pobjedi Crne Gore nad Kamerunom (70:66) u drugom kolu kvalifikacionog turnira za Olimpijske igre bio je mladi Luka Bogavac. Bek SC Derbija ubacio je 13 poena, od čega dvije trojke zaredom, zahvaljujući kojima se naša reprezentacija odlijepila na plus osam, četiri minuta prije kraja duela u Rigi.

>>> “Pobjeda jedina pozitivna stvar, kao da sam vodio tri utakmice zaredom”

Veoma teška utakmica, nismo počeli onako kako umijemo. Bili smo nervozni, ne znam zašto. Mislili smo da možemo da završimo utakmicu u prvih 10 minuta. Kamerun je jaka ekipa, sa snažnim igračima, potrebno nam je bilo vremena da se priviknemo na njihov stil. Na kraju smo pogodili važne šuteve i slavili. Sada nam preostaje da se odmorimo, nadam se, za polufinale“, rekao je Bogavac.

>>> “Nije nam odgovarala njihova agresivnost, najvažnije je da smo pobijedili”

Dvadesetogodišnjem košarkašu prijaju pohvale, ali ne želi sebe da stavlja u prvi plan.

Pogodio sam važne šuteve, ali to je zasluga cijelog tima, otvorili su mi prostor za otvorene šuteve. Čast mi je da igram sa Nikolom Vučevićem, zahvalan sam i selektoru što je vjerovao u mene“, dodao je Bogavac.

>>> “Izdušili smo, promašili dosta šuteva, Kamerunci nas dočekali odmorni”

Naši košarkaši su završili takmičenje u grupi B. Sada čekaju pobjedu Brazila nad Kamerunom kako bi se plasirali u polufinale gdje če ih čekati domaćin i prvi favorit turnira, Letonija.

>>> “Istrošili smo se protiv Brazila, nismo otvorili meč kako smo željeli”

Standings provided by Sofascore
Upiši se
Obavijesti o
0 komentara
Umetnuti fidbek
Vidi sve komentare