Mornar iz Bara doživio je težak poraz od Krke u Novom Mestu 79:72, i sada direktan konkurent u borbi za opstanak u ABA ligi ima bolju i dosta čistiju situaciju pred nastavak sezone.
>>> Mornar zakazao u meču sezone
Trener Barana Mihailo Pavićević naveo je skok kao ključan razlog poraza njegove ekipe.
“Čestitam ekipi Krke na pobjedi u jednoj neizvjesnoj utakmici. Sve je bilo maltene na jednu loptu, ali smo ušli u seriju brzopletih odluka i dozvolili im da naprave razliku. Ključni razlog našeg poraza je jednostavan. Domaćin je imao 50 skokova naspram 29, tako ne možete dobiti ni nižerazrednu ekipu, to je odlučilo pobjednika. Nakon trećeg ofanzivnog skoka su upisali bitne poene, i kada to dozvolite onda se nemate čemu nadati“, rekao je nakon meča Pavićević.
Naredni meč Mornar će odigrati petog februara protiv Cibone u Topolici.
