Košarkapi Budućnosti i dalje čekaju pobjedu u gostima u Evrokupu. Na četvrtom ovogodišnjem evropskom gostovanju Plavi nisu uspjeli da pobjede, već su možemo reći rutinski poraženi od njemačkog Ulma.
>>> Budućnost nema šutera za Evropu – Plavi progutali smrtonosnu pilulu u Njemačkoj
Vladimir Todorović drugi put vodi Budućnost kao glavni trener, smatra da je ključ utakmice bila treća četvrtina.
“Oni su igrali agresivno, pritiskali su nas 40 minuta, Imali smo jedan plan igre, pokušali smo da se držimo njega u većem dijelu meča, ali u drugom poluvremenu nijesmo igrali onako kako smo se dogovorili na odmoru u svlačionici. Željeli smo da igramo organizovanije, ali nijesmo i mislim da je ključ ove utakmice bio ono što se dogodilo u trećoj četvrtini”, rekao je Todorović.
Sa skorom 2-5 nakon sedam kola, Budućnost će u nastavku Evrokupa morati da se namuči kako bi se domogla jednog od prvih šest mjesta koja vode u plej-of.
