Pobjedničko postolje u Vengenu danas je obojeno u norveške boje. Pobjednik u slalomu bio je 24-godišnji Atle Li MekGrat sa ukupnim vremenom od jednog minuta, 45 sekundi i 94 stotinke.
Norvežaninu je ovo treća pobjeda u karijeri.
Savršen norveški dan kompletirali su Timon Haugan (18 stotinki zaostatka) i iskusni Henrik Kristofersen (29 stotinki).
Na žalost domaće publike Švajcarci su danas završili tik iza pobjedničkog postolja. Četvrtu poziciju zauzeo je Tangi Nef dok je peti bio Loik Mejar koji je napredovao čak 19 pozicija u odnosu na prvu vožnju. Šesto mjesto pripalo je još jednom domaćem skijašu, Danijelu Julu.
Prvih 10 kompletirali su Marko Švarc, Manuel Feler, Pako Rasa i Albert Popov.