Selektor Crne Gore Vlado Šola podijelio je utiske nakon poraza od Sjeverne Makedonije (39:37) u pripremnoj utakmici za Evropsko prvenstvo.
>>> Poraz Lavova od Makedonije, ali raduje igra u drugom poluvremenu
“Imali smo danas rano buđenje, što je uticalo i na agažman u prvom poluvremenu. Bili smo malo sporiji u reakcijama i oni su nas uspjeli iskontrirati, pa su stekli neku prednost. Međutim, to i nije toliko bitno. Važno je da smo vidjeli nešto na ovoj utakmici. Još kad budemo danas analizirali video doći ćemo do nekih pametnijih zaključaka. No, ovako na prvu, mislim da moramo puno više raditi na vraćanje u odbranu. Primili smo dosta brzih golova iz polukontre i kontre. Slabo smo se vraćali i to je sada alarm koji moramo iskoristiti da radimo na tome”, naglasio je Šola.
>>> Bakić: Previše primljenih golova – to ne smije da nam se dešava
Lavovi nisu mogli da računaju na Vuka Lazovića, Vuka Borozana…
“Morao sam da provjerim određene igrače na određenim pozicijama, upariti ih da vidimo kako funkcionišu u parovima. Čak je na momente izgledalo jako dobro, ali to je srce priprema i moramo da radimo još. Iz analiza ćemo izvući što je najslabije i na tome ćemo raditi”.
Crna Gora će nove provjere imati 4. i 5. januara, kada će na turniru u Poreču igrati protiv Hrvatske i Slovenije.
“To će biti jači protivnici. Nadam se da ćemo biti kompletni na turniru u Hrvatskoj i da ćemo sprovesti ono što zacrtamo u narednim danima”, zaključuje Šola.
