Masimilijano Alegri mjesecima je živio na ivici ambisa u Juventusu.
Iskusni trener, koji je u prvom mandatu osvojio 12 trofeja (pet Skudeta) te doveo Staru damu do dva finala Lige šampiona, u drugom je imao bitno drugačiju ulogu – stvaranje novog Juventusa. No, uprkos tome što je ekipu uveo u Ligu šampiona te afirmisao neke mlade igrače, italijanski mediji često su tjerali s klupe, a navijači se podijelili na one za i protiv.
Na kraju je stručnjak iz Livorna osvojio i trofej ove sezone. Pobjedom nad Atalantom 1:0 na rimskom Olimpiku, uz gol odluke Dušana Vlahovića, torinski klub stigao je do pehara Kupa Italije.
>>> Vlahović je čovjek odluke, Juve prigrlio trofej
ATALANTA 0-1 JUVENTUS
— Info Serie A Italia (@Info_SerieA) May 15, 2024
– Hormat Vlahovic, bisa golin di partai besar kyk gini *jarang terjadi
– Atalanta bikin gue pesimis buat lawan Leverkusen 😅
– Allegri adalah sebaik-baiknya pegawai, result oriented: Spot UCL & Piala Ciki
Congrats @juventusfc
pic.twitter.com/fKQRSJoYr8
U finišu utakmice Alegri je napravio svoj šou, skidao sako i kravatu, urlao na okolinu, što je rezultiralo crvenim kartonom. Potom je tokom proslave odbio da se rukuje sa sportskim direktorom Kristijanom Đuntolijem, slaveći sa svojim igračima.
“Odlazi, odlazi”, odmahivao je rukom Alegri ispred Đuntolija, očigledno nezadovoljan time što ga klub i njegovi čelnici nisu zaštitili proteklih mjeseci, a istovremeno nije ni imao previše izbora ni ranije prošlog ljeta tokom prelaznog roka.
Non ha la decenza di finire con classe e professionalità avendo la fortuna di poter salutare con un trofeo. Caccia via Giuntoli dai festeggiamenti.
— Nico (@11_nico__) May 15, 2024
Da rinchiudere con la camicia di forza.
A mai più… #Juventus #Allegri pic.twitter.com/FYu9XLfPh2
Ipak, na kraju je uspio da ostvari zavidan rezultat, ali ostaje pitanje hoće li ostati na klupi, iako ima ugovor do 30. juna 2025. godine. Kao njegovi nasljednici pominju se Tijago Mota iz Bolonje, slobodni Antonio Konte…
“Jeste li me već smjenili?”, upitao je raspoloženi Alegri novinare na pres konferenciji nakon finala Kupa, aludirajući na višemjesečne natpise te iskoristivši svojih pet minuta “osvete”.
“Jako sam srećan što sam bio dio velikih klubova. I dalje sam dio velikog kluba, pa sam i dalje srećan. Slavimo osvajanje Kupa jer nismo bili favoriti. Čestitam Atalanti na svemu i iznad svega joj želim puno sreće u finalu Lige Evrope. Na drugoj strani, Juventus znači pobjeđivati i mi smo to uspjeli”, naglasio je bivši strateg SPAL-a, Sasuola, Kaljarija i Milana.
Dusan Vlahovic goal. Atalanta 0-1 Juventus.#CoppaItalia
— Serie A Xtra (@SerieAXtra) May 15, 2024
pic.twitter.com/NRNBcuTNSW
Na pitanja o budućnosti nije želio previše da odgovara.
“Recimo da ekipa sada ima sjajnu bazu. Ranije me je tadašnji predsjednik kluba Andrea Anjeli zamolio da se vratim i reorganizujem ekipu, a istovremeno da ga učinim konkurentnim koliko je to moguće. Mislim da sam u tome u velikom dijelu uspio. Ponavljam, ovaj klub znači pobjedu, a mi smo pobijedili, osvojili trofej i sve što mogu jeste da se zahvalim svim igračima. Oni su najzaslužniji za to”, zaključio je Alegri, pa dodao.
“Posljednji mjeseci su bili teški za mene. Ako odem, ostavljam nasljedniku pobjednički Juve. Klub je taj koji ima pravo da odlučuje šta će sa trenerima”.
No, ni to nije sve. Trener je nakon utakmice verbalno napao direktora i novinara torinskog Tuttosporta Gvida Vakaiga…
“Nakon utakmice Alegri mi je rekao da sam usrani direktor te da pišem istinu u novinama, a ne ono što mi klub servira. Takođe, rekao mi je – gledaj, znam gdje mogu da te pronađem i znam gdje mogu da te sačekam. Doći ću i otkinuti ti oba uha. Doći ću i udariti te šakom u lice. Počni da pišeš istinu u svojim novinama”, ispričao ke Vakaigo o incidentu.
Nakon svega preostaje da se vidi hoće li Alegri ostati na klupi, budući da očigledno nije zadovoljan tretmanom u klubu čiji je, po svim parametrima, najbolji trener još od Marćela Lipija.
