Košarkaši Mornara doživjeli su još jedan poraz u ABA ligi. Danas su izgubili na gostovanju Megi, 101:87. Na kraju končani rezultat možda i ne oslikava pravo stanje stvari na terenu s obzirom da su Barani dugo bili u egalu.
>>> Loša odbrana ostavila Mornar na dnu
Upravo taj pad koncentracije u posljednjih pet minuta apostrofirao je i trener Mornara, Mihailo Pavićević.
“Utakmica kakvu sam i očekivao. U pripremi sam pričao da vodimo računa da ne otvaramo tranzicionu igru protivnika jer su tu najjači, a kada im se to oduzme imaju problema sa svakim. Kad smo bili fokusirani na te osnovne principe našeg plana imali smo i rezultat. Mislim da smo 35-36 minuta bili u igri i imali šanse, ali smo u posljednjih par minuta izgubili četiri-pet lopti što je protivnik iskoristio i kaznio kontranapadima i lakim poenima riješio meč u svoju korist“, istakao je crnogorski stručnjak.
Ipak, ne može da zamjeri igračima htjenju i želji.
“Ne mogu da zamjerim igračima na htjenju i želji, ali očigledno da je falila koncentracija posebno u posljednjih pet minuta kad smo lagano dozvolili da se protivnik odlijepi i dobije utakmicu“, zaključio je Pavićević.
