Poslije velikog preokreta u posljednjim minutima uz poene odličnog Mekinlija Rajta košarkaši Budućnosti uspjeli su da slave na gostovanju Splitu, 81:75.
>>> Plavi na krilima Rajta osvojili Split
Trener Andrej Žakelj nije bio zadovoljan pristupom i koncentracijom njegovih momaka. Smatra da je pobjeda došla zbog čistog kvaliteta. Budućnost se sada okreće obavezama u Kupu Crne Gore.
“Znali smo da će biti teška utakmica protiv tima koji igra sve bolje, upozoravao sam igrače na to. Mene to nije iznenadilo, smetale su mi neke stvari oko našeg pristupa i koncentracije. Mislim da to nije danas bilo na nivou, ali smo na kraju kvalitetom dobili ovu utakmicu, tako da smo završili ovaj dio u ABA ligi vrlo dobro i okrećemo se Kupu Crne Gore“, rekao je Žakelj.
